Content on this page requires a newer version of Adobe Flash Player.

Get Adobe Flash player

آراء حرة

حادث غريب لا يمكن أن يحدث إلا في بلد مثل مصر

أضف الصفحه إلى 2017-08-12


كتب: احمد نصار

قطار القاهرة الإسكندرية اصطدم بمؤخرة قطار بورسعيد الإسكندرية في منطقة خورشيد (قرب أبيس) في مدخل محافظة الإسكندرية..

يعني قطار جاي من القاهرة وجد أمامه على نفس القضيب قطارا آخر، والقطارين ظاهرين على لوحة التحكم إنهم على نفس القضيب، فلا البهوات على لوحة التحكم غيروا التحويلة، ولا البيه اللي سايق القطار اللي وراء هدأ سرعته علشان يفادي القطار اللي أمامه.

أفهم إنه ممكن واحد يغلط فالتاني يلحقه..الاتنين يغلطوا فلوحة التحكم تنبهم.. لكن كل دول في الضياع؟؟ ده معناه إن مفيش منظومة من الأساس!

واضح من منظر القطارين إنهم من قطارات الغلابة التي لا يهتم بها أحد في الدولة..وأهم حاجة إننا أم الدنيا وحنبقى قد الدنيا!

حتى الإعلام المعرص كل ما يهمه كيف تحركت الأجهزة المعنية بسرعة، وعدد سيارات الإسعاف التي ذهبت لموقع الحادث، ورئيس الوزراء الذي يتابع الحادث (كتر خيره)، والنيابة الإدارية (بتاعت ابن السيسي) التي فتحت تحقيقا سريعا في الأمر (مش عارف ليه يعني مش النيابة العامة! ولا احنا مش قد المقام يا ابو صلاح!)

اللي مات حد الآن 29 بني آدم.. (العدد للأسف قابل للزيادة) غير حوالي 80 مصابا.. حادثة بالحجم ده كان ممكن تغير حكومة وتوقع نظام في بلد الإنسان فيها مش رخيص..لكن تقول ايه لنظام قتل عدة آلاف في ساعات ورامي 60-70 ألف في السجون، وقالك نضحي بجيل أو اتنين عادي علشان الباقي يعيش!

فين عمرو أديب؟؟ 5 آلاف جنيه يا كافر (يوم ما كان الدولار بسبعة ولا تسأل عن أسباب التعويم).

كلهم دلوقتي بيقولوا ليس الحادث الأول، والمنظومة أصلا متهالكة والرئيس كان حيعمل ايه يعني؟؟ وكأن اللي كان ماسك مصر من 60 سنة مش الحكم العسكري وناس بخلفيات لا مؤاخذة عسكرية..هو مش فاضي غير لسجادة حمراء تتفرش له 3 كم، وقصر في المعمورة ولا قصور ألف ليلة وليلة..

لكن تقول ايه.. طول ما الدم المصري رخيص.. يسقط يسقط يسري فودة.
تعليقات على الموضوع
لا توجد تعليقات مضافة للمقالة
أضف تعليق
الاســــم :
عنــــوان التعليق :*
التعليـــق *:
أدخل كود التأكيد: captcha security code
* بيانات مطلوبة